Artzaintza, munduko ogibide tradizionalenetako bat izateaz gain, ezinbesteko jarduera da mendian. Bioaniztasunaren kontserbazioa sustatzen du, landare-espezieen sakabanaketan lagunduz; klima-aldaketaren aurka jarduten du, landareen hazkundea suspertuz; eta baso-suteen arriskua murrizten du, basoetako biomasa lehorra desagerraraziz. Horrez gain, biztanleria aktiboa sendotzen du eta tokiko enplegu-aukerak eskaintzen ditu.
La Rhun-E proiektuak aintzat hartzen ditu artzaintza-kudeaketari lotutako aztarnak eta artzaintza-praktika babesten eta sustatzen ditu. Horretarako, udako larreetan ganaduaren presentzia sustatzeko beharrezkoak diren azpiegiturak instalatu eta mantenduko dira, hala nola uraskak eta hesiak, eta turismotik urrun dauden artzaintza-eremuak identifikatuko dira.
Larrungo mendiguneko bentek hamarkadetako historia luzea dute, eta ostalaritza-erakargarri bat izateaz gain, berebiziko garrantzia dute kulturari dagokionez.
La Rhun-E proiektuaren eginkizunetako bat bentekin lotutako ahozko memoria eta ondare immateriala jasotzean datza. Mugarriek, bizipenek eta ezagutzek osatzen dute mendigune honen identitatea eta jakinduria, eta iraganeko eta oraineko elementu partekatu horiek oinarri emozional bilakatzen dira, etorkizun hurbilean ekimen komunitario berriak ahalbidetuz.
[Ekintza hau 2026rako aurreikusita dago]
Larrungo egurrezko tren txikian abiatzea abentura hutsa da, batez ere txikientzat. Hainbat arrazoik egiten dute berezi, baina, zalantzarik gabe, kremailera-tren bitxi honetako deigarrienetako bat da munduan oraindik martxan dagoen bakanetako bat dela.
Tren turistiko txiki hau 1924tik dago martxan eta presarik gabe doa gailurrerainoko bide bihurrian gora, 905 metroko altueraraino. Martxoa eta azaroa bitartean, egunero, poliki-poliki abiatzen da gorantz, 736 metroko desnibela gaindituz, eta Nafarroa eta Lapurdiko mendilerroen arteko paraje ikusgarriak zeharkatuz.
La Rhun-E proiektuak, besteak beste, trenaren memoriari buruzko azterlan bat du eskuartean, ehun urte beteak dituen azpiegitura honen historia ezagutarazteko.
[Ekintza hau 2026rako aurreikusita dago]
La Rhun-E proiektua Europar Batasunak % 65ean kofinantzatutako proiektua da, Interreg VI-A Espainia-Frantzia-Andorra (POCTEFA 2021-2027) programaren bidez. POCTEFAren helburua Espainia-Frantzia-Andorra muga-eremuaren integrazio ekonomikoa eta soziala sendotzea da.
KONTAKTUA
Mission Plan Montagne DGA TEVE Territoires,
de l’Education et du Vivre Ensemble
Tél : 05 59 46 51 22
Port : 06 82 62 59 32
Département des Pyrénées-Atlantiques
Délégation de Bayonne 4 allée des Platanes
64104 Bayonne
