Larhun oso eremu berezi batean kokatuta dago, baskoien itsasoaren eta Pirinioetako gailur handien artean. Mendiaren magalak harrespilez, tumuluz eta trikuharriz josita daude, antzinako garaiak gogora ekarriz.
Itsasoa gertu dago, baita Bidasoa edo Urdazuri ere… Arranoek eta putreek habia egiten dute arkaitz garaietan, pottokak eta betizuak medi-magalean dabiltza bazkatzen, baita artaldeak ere. Larhun maite dugu, izan bisitari edo turista, edo Sarako, Azkaineko, Urruñako, Berako edo inguruko beste edozein bizilagun. Atsegin dugu gailurrera igotzea eta hango ikuspegi txundigarriez gozatzea.
Larhun, gure topagunea da, ingurumen, kultura eta artzaintza aberastasun biziko tokia. Hala ere, gizarte-aldaketek mehatxu berriak dakartzate eta indarrak batzen gabiltza gure mendi kuttuna babestu eta erronka berrietara egokitzeko.
4 udalerri, 2 lurralde eta ahalegin komun bat gara, Larhungo aberastasuna zaindu eta sendotzeko. Gozamena, errespetua eta tradizioa: Larhunen batzen gaituzten balioak. Elkarlana da gure indargunea. Batu zaitez!
Oinez, bizikletaz edo trenez, ezagutu eta goza ezazu Larhun errespetuz eta miresmenez. Zu ere beharrezkoa zara!
POCTEFA La Rhun-E proiektuak hezkuntza bideo bat prestatu du, harriak mugitzeak ekosistema naturaletan, paisaian eta ondarean duen eragina erakusteko. Bideoan azaltzen denez, harrien azpian organismo
Berako Udalak POCTEFA La Rhun-E proiektu europarraren urteko bigarren Gidaritza Batzordea antolatu zuen atzo, Pirinioen bi aldeetako hainbat eragile publiko biltzen dituen mugaz gaindiko ekimena,
Joan den asteburuan, POCTEFA La Rhun-E proiektuaren esparruan, Bera eta Saratik etorritako hogei bat boluntariok garbiketako eta ingurumen-sentsibilizazioko jardunaldi batean parte hartu zuten Larrungo mendigunean.
La Rhun-E proiektua Europar Batasunak % 65ean kofinantzatutako proiektua da, Interreg VI-A Espainia-Frantzia-Andorra (POCTEFA 2021-2027) programaren bidez. POCTEFAren helburua Espainia-Frantzia-Andorra muga-eremuaren integrazio ekonomikoa eta soziala sendotzea da.
KONTAKTUA
Mission Plan Montagne DGA TEVE Territoires,
de l’Education et du Vivre Ensemble
Tél : 05 59 46 51 22
Port : 06 82 62 59 32
Département des Pyrénées-Atlantiques
Délégation de Bayonne 4 allée des Platanes
64104 Bayonne