2024ko ekaina eta urria bitartean, 30 bitartekaritza-jardunaldi egin ziren Larrun mendigunean, Poctefa La Rhun-E proiektuaren esparruan.
Bitartekariek mendiko gidarien kalitatea dute, eta mendigunean zehar ibili ziren, mendiko erabiltzaileekin biltzeko, jarraitu beharreko jardunbide egokiei buruzko informazioa emateko eta sentsibilizatzeko, mendiaren erabilerak (artzaintza, basogintza, ehiza, aisialdiko jarduerak, mugaz gaindiko lurraldea, etab.) aldi berean egon daitezen bermatzeko.
Sentsibilizazio-jardunaldietan, informazio-stand bat zabaldu zen mendi-ibilien hasieran (Ibardin, Trabenia, Olhette, Azkaineko harrobiak, Olhain, Lizuniaga), jendea sentsibilizatzeko eta, ondoren, paseoa egiteko, erabiltzaileak ezagutzeko eta haien portaera kontrolatzeko.
Bitartekariak hainbat egunez egon ziren Larrungo gailurrean, trenez igo ziren eta jaitsiera oinez egin nahi zuten pertsonak sentsibilizatzeko.
Bidezidorretako bisitari gehienak frantsesak ziren. Hegoaldeko publikoari ongi etorria euskaraz ematea (batez ere gailurrean) oso keinu estimatua izan zen.
Emaitzen arabera, bisitarien % 64k ez du bere ibilbidea prestatzen, eta % 5ak bakarrik erabiltzen ditu Iparraldeko Tokiko Mendi-ibilien Planak eskaintzen dituen tresnak (gida topografikoak). % 17k aplikazioak erabiltzen ditu telefono mugikorretan, mendi bideak identifikatzeko. Datu honek jendea mendiguneko bide ofizialetara bideratzeko beharra azpimarratzen du. Izan ere, jende askok aplikazio digitaletan dauden bidezidorrak erabiltzeak, tartean asko seinleztatu gabeak eta ez ofizialak direnak, inguruko lasaitasuna kaltetzen du.
Gizalegearen kontrako portaerei dagokienez, txakurren % 50 inguruk uhalik gabe jarraitzen du, eta horrek bizikidetza-arazoak sortzen ditu nekazaritza eta artzaintzako jarduera ezaugarri duen mendigune batean. Aipatzekoa da, halaber, turistak eta Larhungo trenaren erabiltzaileak Larrungo bidezidorretatik oinez jaitsi ahal izateko behar adinako ekipamenduarik gabe igotzen direl a trenera.
Sentsibilizazio-ekintza hori errepikatu eta egokitu egingo da 2025erako, bitartekariekin egindako lehen balantzearen ondoren.
